2019-cu il noyabrın 9-da Xəzər Universitetinin PhD və Magistr Assosiasiyası Göyçaya səfər təşkil etdi. Xəzər Universitetinin doktorantları və magistr tələbələri Nar festivalında iştirak etdilər. Onlar insanlarla və Azərbaycan mədəniyyəti ilə tanış olmaq üçün yaxşı imkan əldə etdilər. Bu səfərdə Həyat elmləri departamentinin tədqiqatçısı dosent Səidə Şərifova və Multimedia Mərkəzinin direktoru Natella Barkaya da iştirak edirdilər. Festivaldan sonra tələbələr İngilis dili və ədəbiyyatı departamentinin baş müəllimi Firəngiz Nəsirovanın evində ənənəvi Azərbaycan çayı içdilər.

Səfərdə iştirak edən tələbələr fikirlərini bölüşdülər:

Mohammed Abubakar Mohammed, Neft və qaz mühəndisliyi departamentinin doktorantı: “Hər şeydən əvvəl Xəzər Universitetinin rəhbərliyinə bizə maddi-texniki təminat verdiyinə və bu möhtəşəm festivala verdiyi dəstəyə görə təşəkkür edirəm. Həqiqətən, əlamətdar bir səfər idi. İkincisi, festivalı şənləndirmək mənim üçün böyük təcrübə idi. Xaricdə belə bir festivalda məşhur ola biləcəyimi təsəvvür edə bilmirdim. Mənim festivalda iştirakım yerlilərin diqqətini çəkdi –onlar festivalda iştirak edən qara dərili bir əcnəbi görəndə heyrətləndilər. Sırf bu hərəkət Nar festivalını xaricilərin iştirak etmək istədiyi beynəlxalq bir festival halına gətirə bilər. Üçüncüsü, universitetimizin müəlliminin evində olmağımız gəzintiyə ləzzət verdi. O və onun gözəl ailəsi bizi evlərində ətirli çay və şirniyyata qonaq etdilər. Bundan başqa, onun nəvələri ilə futbol oynamaq çox yaxşı bir təcrübə idi. Bunun kimi səfərlər tələbələr və işçilər arasında birlik ruhunu inkişaf etdirir və fikrimcə, belə tədbirlər həmişə təşviq olunmalı və dəstəklənməlidir. Nəhayət, yaxşı dostlarım və həmkarlarıma, xüsusən, Moozhan-a minnətdaram, hamınız günü bir əlamətdar hadisə etdiniz. Ümid edirəm ki, yenə də belə səfərləri təkrar edə bilərik”.

Hawa Adli, Həyat elmləri departamentinin doktorantı: “Göyçay Azərbaycanın düz mərkəzində yerləşir və oraya çatmaq asan deyildi, avtobusda təxminən 3 saatlıq yolçuluq keçirdik, amma bunun hamısına dəyərdi! Beləliklə, bu əraziləri ilk dəfə görürəm. Həqiqətən xatırlamaq və bölüşmək üçün bir an idi. Sadəcə, möhtəşəm bir yerin olduğunu aşkar etdim, buralara aşiq olmuşam. Xoş hava, mövsümün müxtəlif çeşidli meyvələri və xüsusilə, narın dadını unutmaq mümkünsüzdür. Bu təcrübə bu günə qədər bütün səyahət anlarımın ən yaddaqalanı idi. O qədər canlı bir hadisə sanki xəyal kimi yavaş-yavaş uzaqlaşır. Sonda universitetimizə bu böyük fürsət və imkanları təmin etdiyi üçün təşəkkür edirəm. Gülərüzlü həmkarlarıma, qonaqpərvərlik və samovar çayı üçün yerli sakinlərə təşəkkür edirəm.

Dona Alicia, İngilis dili və ədəbiyyatı departamentinin doktorantı: “Möhtəşəm ənənəvi Nar festivalı, gözəl mənzərələr və gözəl yerlərin möhtəşəm mənzərələri... Festivala mütəşəkkil səyahətdən çox məmnunam. Bu, dostlarımla ilk səyahət gəzintisidir və düşündüm ki, təcrübəmi sizinlə bölüşəcəyəm. Məlumdur ki, Göyçay dünyaya bəlli olan Azərbaycan narının beşiyi kimi görülür. Hər noyabrda Nar festivalı bu bölgədə ecazkar bir şən mühitdə qeyd olunur. Təəccüblüdür? Şübhəsiz. Hər gün dostlarla bu cür gəzintiləri yaşamaq olmur. Hər andan istifadə etdim. Bu səfər mənə çox müsbət təsir bağışladı”.

Şeyda Çevikel, Siyasi elmlər və fəlsəfə departamentinin doktorantı: “Noyabrın 9-da Göyçayda Nar festivalında olmaq çox xoş oldu. Çoxlu dadlı nar dadmaq şansımız oldu. Festivaldan sonra Firəngiz xanım və ailəsi ilə görüşməyə çox sevindik. Səmimi qonaqpərvərliyə və Göyçaydakı gözəl bağında söhbətlərinə görə çox minnətdaram. Həm də beynəlxalq elmlər sahəsindəki doktorant tələbələrin sosiallaşması baxımından çox məhsuldar bir səfər oldu. Xəzər Universitetinə və bu səfərdə əməyi keçən insanlara böyük təşəkkürümü bildirirəm”.

Maryam Adli, İqtisadiyyat və menecment departamentinin doktorantı: “Beynəlxalq doktorant tələbələrlə illik Nar festivalına etdiyim səfər əla və yaddaqalan oldu. Göyçay ləzzətli nar, bol məhsul və müxtəlif nar növləri ilə tanınır. Festival musiqi və rəqs qruplarının iştirakı ilə açıldı. Nar festivalı Azərbaycanda çoxdan gözlənilən və sevindirici hadisələrdən biridir. Qonaqlara nar məhsullarından ibarət ekspozisiya, əsərlər sərgisi, ədalətli satış, populyar ifaçıların və folklor qruplarının iştirakı ilə konsert, müxtəlif müsabiqələr, məsələn, çəkisinə və ya şirəsinə görə ən ağır nar müsabiqələri keçirildi. Təzə nar şirəsinin dadı əvvəllər içdiklərimin ən dadlısı idi, buna görə də, bir neçə dəfə sifariş verdim; Həmişə yadda qalan gözəl təcrübələri bizə verdiyinə görə, Xəzər Universitetinə dərin təşəkkürümü bildirirəm”.

Abdulhussein Alrubaye, Neft və qaz mühəndisliyi departamentinin magistrantı: “Hər şeydən əvvəl Xəzər Universitetinin rəhbərliyinə bizə maddi-texniki təminat verdiyinə və bu möhtəşəm festivala verdiyi dəstəyə görə təşəkkür edirəm. Həqiqətən, əlamətdar bir səfər idi”.

İmtiaz Əhməd, Neft və qaz mühəndisliyi departamentinin magistrantı: “Səfər gözəl idi; Bakıdan sonra Azərbaycanda gördüyüm ikinci şəhərdir. Festival yerli və xarici tələbələr üçün həqiqətən yaxşı idi və bu şəhər turizmi tanıtmaq potensialına malikdir. Mənim üçün ən təəccüblüsü, ev sahibi, Xəzər Universitetinin müəlliməsidir. Evindən çölə çıxaraq, bizi qarşıladı, hər kəsi qucaqladı, bizə ənənəvi çay və şirniyyat və nar verdi –Pakistanda olduğumu hiss etdim. Özümü ikinci bir evimdə kimi hiss edirdim. Üstəlik, çox mehriban və qonaqpərvər idi. Bu tədbirdə təşəbbüs göstərən Moozhan və bu səfəri mümkün edən bütün universitet işçilərinə təşəkkür edirəm. Bu kiçik mehribanlıq və təvazökarlıq mənim kimi bir tələbə üçün çox vacibdir, çünki əcnəbi olan tələbə üçün hər şey yenidir: insanlar, mədəniyyət və ənənələr... İndi mehriban və həmişə qonaqpərvər olan bu cəmiyyətin bir hissəsi olduğumu hiss edirəm”.

Mohamed Mohamed Abdallah, Siyasi elm və fəlsəfə departamentinin magistrantı: “Sevinc və araşdırma ilə dolu əyləncəli bir səyahət idi. Azərbaycan adət-ənənələrinin bəzi xüsusiyyətlərini görmək üçün bir fürsət oldu, xüsusən, bizi evlərinə dəvət edən ailə ilə çay içdikdə. Göyçayda fantastik nar festivalını qeyd etməliyəm. Qısaca olaraq, unudulmaz bir təcrübə oldu”.