2019-cu il oktyabrın 12-də Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı PAŞA Holding və PAŞA Sığortanın birgə təşəbbüsü ilə başladılan “PAŞA Oxucular Birliyi” layihəsinin “Bulvar” oteldə keçirilən açılış tədbirində panelçi olaraq iştirak etdi. Layihənin məqsədi şirkətin əməkdaşlarının dünyagörüşünü, məntiqi-analitik təfəkkürünü artırmaq, onlarda mütaliəyə və davamlı təhsilə marağı gücləndirmək üçün ölkənin dəyərli yazıçıları, şairləri və ziyalıları ilə silsilə görüşlər təşkil etməkdir. Digər üç panelçinin də iştirak etdiyi bu açılış tədbirində professor Hamlet İsaxanlı müzakirələrdə işirak etdi və suallara cavab verdi.