2019-cu il oktyabrın 6-da Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı İctimai Televiziyada Müəllimlər Gününə həsr olunmuş, Saleh Bağırovun “Salehlə hər bazar” musiqili ictimai verilişinin qonağı oldu. O, müəllim, elm, təhsil kimi məsələlər üzrə suallara cavab verdi və müzakirələrdə iştirak etdi. Veriliş zamanı Xəzər Universitetinin ilk ingilis dili müəllimlərindən olan Firəngiz xanım Nəsirovanın bədii, tərcümə və müəllimlik fəaliyyətindən də söhbət açıldı.