2019-cu il sentyabrın 10-da Xəzər Universitetində “Creative Spark” layihəsi ilə bağlı ilk görüş keçirildi. Görüşdə İnkişaf Mərkəzinin direktoru Raziyə İsayeva əməkdaşları layihə ilə tanış etdi. Layihənin məqsədi dizayn ixtisasında təhsil alan tələbələrin biznes bacarıqlarını inkişaf etdirmək olduğu üçün aidiyyatı departament və dekanlıqlardan olan əməkdaşlarla ayrıca layihə barədə müzakirələr aparıldı.

Qeyd edək ki, Xəzər Universiteti Birləşmiş Krallığın Middlesex Universiteti ilə əməkdaşlıqda 2019-cu il üçün elan olunmuş “Creative Spark” proqramının qalibi olmuşdur. Bu çərçivədə əməkdaş universitetlər sentyabrın əvvəlində Böyük Britaniyanın Oksford şəhərində ilkin görüşlərini həyata keçirmişlər.