2019-cu il iyulun 15-də Xəzər Universitetinin Buzovnadakı Konfrans və İstirahət Mərkəzində “Dünya” məktəbinin bir qrup əlaçı və fənn olimpiadalarında uğur qazanmış  məzununa Fərqlənmə attestatı təqdim olundu. Tədbirdə “Dünya” məktəbinin rəhbərliyi, müəllim və şagirdləri, Xəzər Universitetinin rəhbərliyi və əməkdaşları iştirak edirdilər.

Tədbiri “Dünya” məktəbinin həmtəsisçisi, Xəzər Universiteti Direktorlar və Qəyyumlar Şurasının müşaviri Nailəxanım İsayeva açaraq, ümumilikdə məktəbin, həmçinin fərqlənmiş məzunların nailiyyətlərindən danışdı. Məktəbin müəllimləri hər bir məzunun uğurları haqqında konkret məlumat verərək, ali məktəblərə qəbul imtahanlarında da  yüksək bal topladıqlarını bildirdilər. Sonra Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı məzunlara Fərqlənmə attestatı təqdim edərək, onlara uğurlar arzuladı.