Xəzər Universitetinin departament müdiri beynəlxalq quruma üzv seçildi
Xəzər Universiteti Neft mühəndisliyi departamentinin müdiri dosent Qəşəm Zeynalov Beynəlxalq Neft Mühəndisləri Cəmiyyətinin (SPE) prezidenti (2020-ci il üçün SPE-nin prezidenti) Shauna Noonan`ın həmin cəmiyyətin Direktorlar Şurası adından təklifi ilə Neft Mühəndisləri Cəmiyyətinin Təhsil və Akkreditasiya Komitəsinin üzvi (3 il müddətinə) seçilmişdir. Bu komitə 12 üzvdən təşkil olunur. Qaydaya görə, onlardan 6 nəfəri uzun müddət neft sənayesində çalışan təcrübəli mütəxəssislər, digər 6 nəfəri isə neft-qaz mühəndisliyi profili üzrə akkreditasiya olunmuş universitetdə neft-qaz mühəndisliyi üzrə daimi işləyən professor-müəllimlər olmalıdır.
Təhsil və Akkreditasiya Komitəsinin iclasları Neft Mühəndisləri Cəmiyyətinin illik konfransları zamanı təşkil olunur. Birinci iclas sentyabrın 29-da Neft Mühəndisləri Cəmiyyətinin Kanadanın Kalqari Şəhərində 2019-cu ilə aid təşkil olunacaq texniki konfrans və sərgi zamanı (2019 SPE Annual Technical Conference and Exibition) keçiriləcək.
Təhsil və Akkreditasiya Komitəsinin funksiyaları aşağıdakılardır:
- Neft-qaz mühəndisliyi üzrə kurrikulumları qiymətləndirir və onun neft sənayesinin tələbatına uyğunluğu haqqında təkliflər verir;
- Neft-qaz mühəndisliyi təhsili üzrə tədris proqramlarının akkreditasiyası ilə əlaqədar Neft Mühəndisləri Cəmiyyətinin Direktorlar Şurasına tövsiyələr verir;
- Neft-qaz mühəndisliyi təhsilinə birbaşa və dolayısı ilə təsir edən ABET, ASEE akkreditasiya təşkilatlarının FE imtahanında NCEES ilə birlikdə məqalələr, tövsiyələr və tədqiqatlar haqqında hesabatlarını tövsiyələrlə Neft Mühəndisləri Cəmiyyətinin Direktorlar Şurasına təqdim edir;
- ABET hər ilin oktyabrında ABET-in neft-qaz mühəndisliyi proqramının təsdiq edilməsi üçün kvalifikasiyalı qiymətləndiricilərin siyahısını təsdiq edir. Proqramı qiymətləndirənlər üçün kvalifikasiya ABET tətəfindən müəyyən edilir. Əlavə kvalifikasiyalar komitə tərəfindən müəyyən edilə bilər;
- Komitənin sədrinin tövsiyəsi ilə neft-qaz mühəndisliyi təhsilinin inkişafında digər məqsədəuyğun fəaliyyət növü ilə də məşğul olur;
- Neft mühəndisliyi müəllimliyinə aid olan siyasət programı həyata keçirir və nəzarət edir, digər mühəndis müəllimləri və tələbələri ilə əlaqədar keyfiyyət və təminat məsələlərinin həllində həmin digər mühəndislik və elmi təşkilatlarla əməkdaşlıq edir;
- Komitə yeni seçilən Prezidentə yeni sədr seçilməsi daxil olmaqla, yeni komitə üzvlərinin seçilməsi haqqında təkliflər verir.