2019-cu il mayın 27-də Azərbaycan Respublikası Mədəniyyət və Turizm Nazirliyinin Muzey Mərkəzində 28 May Respublika Günü münasibətilə keçirilən tədbirdə Xəzər Universitetinin Kamera orkestri Mərkəzin dəvətilə konsert proqramı ilə çıxış etdi. Universitetin Musiqi və incəsənət departamentinin müdiri, əməkdar müəllim, pianoçu Zülfiyyə Sadıqovanın rəhbərliyi ilə Kamera orkestrinin ifasında Üzeyir Hacıbəyli, Qara Qarayev, Fikrət Əmirov və Arif Məlikovun əsərləri səsləndi.

Vokalçılar – Müslüm Maqomayev adına Azərbaycan Dövlət Akademik Filarmoniyasının solisti, Xəzər Universitetinin müəllimi Məhsəti Cabbarova və Rüfət Piriyev Kamera orkestrinin müşayiəti ilə Əməkdar incəsənət xadimi Elnarə Dadaşova, Nailəxanım İsayeva və Sevda Rəhimovanın şair Hamlet İsaxanlının sözlərinə bəstələdikləri mahnıları ifa etdilər.

Azərbaycan Dövlət Televiziyası – AzTV tədbirdə çəkiliş apardı.