Avrasiya Hasilat Sənayesi Bilik Mərkəzinin 2019-2022-ci illər üçün yeni fəaliyyət planı müəyyənləşdirildi. Layihənin tərəfdaşları SDC (İsveçrə İnkişaf və Əməkdaşlıq Təşkilatı) və Nyu Yorkda yerləşən NRGI-dır (Təbii Resursların İdarəetmə İnstitutu).

Qarşıdakı üç ildə Avrasiya Bilik Mərkəzi hasilat sənayesində ənənəvi regional təlimlərini keçirəcək və bir sıra tədqiqat layihələrini reallaşdıracaq. Eyni zamanda yeni plana görə Avrasiya Bilik Mərkəzi Xəzər Universitetində “Təbii resursların idarəetməsi və davamlı inkişaf” magistr proqramını açmağı planlaşdırır.

2019-cu il iyunun 21-dən 29-dək Xəzər Universitetində “Təbii resursların idarəetməsi və davamlı inkişaf” mövzusunda mərkəzin növbəti təlimi olacaq. Təlimə Azərbaycan, Qazaxıstan, Qırğızıstan, Tacikistan, Ukrayna, Türkmənistan, Özbəkistan və Rusiyadan iştirakçılar qatılacaq. Təlimçilər Böyük Britaniyanın və Niderlandın, eləcə də, Xəzər Universitetinin tanınmış mütəxəssisləridir.

Avrasiya Bilik Mərkəzi 2010-cu ildən fəaliyyət göstərir. Bu dövr ərzində 400-dan çox məzunu olmuşdur.