2019-cu il mayın 20-də Xəzər Universiteti ERASMUS+ Office ilə birlikdə ERASMUS+ Əlaqələndirmə Konfransını keçirdi. Tədbirdə ERASMUS+ Ali Təhsildə potensialın yaradılması (CBHE) layihələri təqdim edildi. Universitetlər layihənin məqsəd və vəzifələrini, konsorsium üzvlərini və bu günə qədər əldə etdikləri nailiyyətləri təqdim etdi. Azərbaycanın 13-dən artıq ali təhsil müəssisəsinin (HEI) 45-dən çox nümayəndəsi hər bir layihənin həyata keçirilməsində qarşılaşılan problemlər ətrafında canlı müzakirə apardı.

Konfransı açmaq üçün Xəzər Universitetinin İnkişaf direktoru, ERASMUS+ proqramı, Ali Təhsil Müəssisələrində İslahatlar üzrə Ekspert Raziyə İsayeva Azərbaycanın ali təhsil müəssisələrinin ERASMUS+ proqramında iştirakına dair bəzi fakt və rəqəmləri təqdim etdi. O, həmçinin, Azərbaycan ali təhsil müəssisələrinin Şərq Tərəfdaşlığı ölkələrinin ali təhsil müəssisələri ilə müqayisəsi haqqında məlumat verdi.

Xəzər Universitetinin rektoru dosent İradə Xəlilova hər kəsi salamladıqdan sonra ERASMUS+ CBHE layihələrinin əhəmiyyəti və Xəzər Universitetinin bu layihələrlə bağlı təcrübəsindən danışdı. Milli ERASMUS+ Ofisinin rəhbəri Pərviz Bağırov ERASMUS+ layihələrinin gətirilməsi imkanlarının və Azərbaycan universitetlərinin proqramda iştirakının arta biləcəyini söylədi.

Konfransda EQAC, PETRA, AESOP, POWER, IPED, MEDIATES, NIZAMI, MAGNUS, PROMIG ERASMUS+ CBHE layihələri haqqında ətraflı məlumatlar təqdim olundu. Hər bir layihə öz plakatı ilə təmsil olunurdu. Layihənin sonunda universitet nümayəndələri digər universitetlərin layihələrinin nəticələrinin faydalı olması məqsədilə layihə nəticələrinin paylaşılmasına dair seminar və konfransların keçirilməsi barədə razılığa gəldilər.