2019-cu il mayın 7-də Xəzər Universiteti Tarix və arxeologiya departamentinin təşkilatçılığı ilə Orxan Zamanovun tədris etdiyi köməkçi tarixi fənlər dərsinin qonağı Azərbaycanın tanınmış numizmat-alimi, tarix üzrə fəlsəfə doktoru Qənirə Pirquliyeva oldu. Görüşün əvvəlində Tarix və arxeologiya departamentinin assistenti İlahə Yusifli Q.Pirquliyevanın fəaliyyəti haqqında qısa təqdimat göstərdi.
Daha sonra sözə Qənirə Pirquliyeva davam edərək, tələbələrə “Pul dövriyyəsi” mövzusu ətrafında mühazirə dedi. O, numizmatika elmi haqqında ümumi məlumat verdikdən sonra, qədim dövrlərdən müasir dövrə kimi pul dövriyyəsi haqqında danışdı. Görüşün ikinci mərhələsində tələbələr qonağa suallar verdi. “Ən maraqlı sual verən” tələbə seçilərək, təbrik edildi.