2019-cu il aprelin 23-də Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı və İctimai əlaqələr və media üzrə dierktor Əlövsət Əmirbəyli İstanbul Aydın Universitetində oldular. İstanbul Aydın Universitetinin qurucusu, Mütəvəlli Heyətinin başqanı professor Mustafa Aydın qonaqları səmimi salamladı. Başqanlar iki universitet arasında qurulmuş dostluq əlaqələrindən məmnunluqlarını bildirdilər. Hər iki tərəfi maraqlandıran bir sıra məsələlər müzakirə edildi. Gələcəkdə əlaqələrin daha da inkişaf etdirilməsi qərara alındı. Mustafa Aydın həmin gün axşam Hamlet İsaxanlının şərəfinə ziyafət verdi. Ziyafətdə TBMM-nin 23 çağırış millət vəkili Yalçın Koçak da iştirak edirdi.