2019-cu il aprelin 27-si və 28-də Xəzər Universiteti Psixologiya departamentinin koordinatoru, Xəzər Psixoloji Xidmət Mərkəzinin direktoru Mələk Kərimova Almaniyanın Wiesbaden Psixoterapiya Akademiyası və Avropa Psixoterapiya Assosiasiyası və “Olgu” Psixoloji Xidmət Mərkəzinin dəstəyi ilə keçirilən “Pozitiv psixoterapiya” təliminin 1-ci modulunun 20 saatlıq təlimini tamamladı. Təlim “Nəfəs” Psixolonevroloji Sağlamlıq Mərkəzində təşkil edilmişdi. Təlimi “Dünya” Pozitiv Psixoterapiya Assosiasiyasının səlahiyyətli təlimçisi Özden Bilgin keçirdi.

Təlimin digər modulları oktyabrın sonunadək davam etdiriləcək.