2019-cu il aprelin 26-da AMEA-nın Arxeologiya və Etnoqrafiya İnstitutunun Antik dövr arxeologiyası üzrə şöbə müdiri t.ü.f.d. Zaur Həsənov Xəzər Universiteti Tarix və arxeologiya departamentinin müəllimi Orxan Zamanovun tədris etdiyi müharibələr tarixi fənninin qonağı oldu. O, “İskitlərin Azərbaycanda izi” adlı mövzusu il bağlı skiflərin tarixi, mənşəyi və hərbi məsələləri ətrafında mühazirə-təqdimat ilə çıxış etdi. Birinci il tarix müəllimliyi, beynəlxalq münasibətlər və regionşünaslıq ixtisaslarının tələbələri görüşdə iştrak etdi. Zaur Həsənov tələbələrə iskitlərin milli kimliyi, iskitlərdə dəfn adəti, iskitlərdə hərb başlıqlarında geniş və əyani çıxışından sonra çoxsaylı maraqlı və düşündürücü sualları cavablandırdı.

Tələbələrin marağına səbəb olan mühazirənin sonunda tələbələr müxtəlif mövzularda sualları ilə bərabər, Tarix və arxeologiya departamentinin müəllimi Ziya Səmədli ilə Zaur Həsənovun geniş müzakirəsi baş verdi. Arxeologiyanın müasir problemlərindən Azərbaycan tarixinin prioritet məsələlərinə kimi bir çox əhəmiyyətli mövzular ətrafında müzakirə oldu.

Sonda qonağa hədiyyə təqdim edildi və xatirə şəkli çəkiıdi.