2019-cu il martın 28-də İstanbul Aydın Universitetinin təsisçisi Mustafa Aydın, universitetin prorektoru Fatih Aydın, Xarici Əlaqələr Departamentinin rəhbəri İrem Azman, təsisçinin özəl qələm müdiri Tuğçe Koçkar və Azərbaycan üzrə nümayəndəsi Fərid Şahbazlı Xəzər Universitetində oldular. Xəzər Universitəsinin rektoru dossent İradə Xəlilova qonaqları səmimi salamlayaraq, onlara universitet haqqında məlumat verdi. Mustafa Aydın və İrem Azman Aydın Universiteti haqqında slaydlarla təqdimat etdilər, sualları cavablandırdılar. Görüşdə Xəzər Universitetinin prorektoru Məhəmməd Nuriyev, Mühəndislik və tətbiqi elmlər fakültəsinin dekanı Hassan Niknafs, İqtisadiyyat və menecment fakültəsinin dekanı Ceyhun Məmmədov, İctimai əlaqələr və media üzrə direktor Əlövsət Əmirbəyli, Xarici əlaqələr şöbəsinin müdiri Turan Cəfərova və digər şəxslər iştirak edirdilər. M.Aydın Xəzər Universitetinin rektoruna hədiyyəsini təqdim etdi.