2019-cu il martın 11-də Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlının İstanbulda ikinci dəfə nəşr edilən “Hazana övgü” kitabının Kayseri şəhərində yerləşən Erciyes Universitetində təqdimat mərasimi keçirildi. Təqdimat gecəsini giriş sözü Erciyes Universitetinin professoru Sevinc Üçgül açaraq, Hamlet İsaxanlının həyat və yaradıcılığı haqqında danışdı. Kitabın tərcüməçisi şair-yazar İmdat Avşar şeirlər kitabının türk oxucuları üçün özəlliyindən danışdı. Hamlet İsaxanlının sözlərinə bəstələnmiş mahnılar səsləndirildi. Ədəbiyyat fakültəsi tələbələrinin ifasında seçmə şeirlər səsləndirildi. Sonra Hamlet İsaxanlı öz şeirlərini oxudu. O, müəllimlərin və tələbələirin çoxsaylı suallarını cavablandırdı və imzalı kitablar oxuculara teqdim edildi. Sonda oxucularla xatirə şəkilləri çəkildi.

Qeyd edək ki, martın 12-də Hamlet İsaxanlının Niğde Ömer Halisdemir Universitetində rəsmi görüşləri və imza günü keçiriləcək.