Xəzər Universitetinin biznesin idarə olunması üzrə magistr (MBA) tələbəsi, Əfqanıstandan olan Maryam Adli Xəzər Universiteti ilə bağlı təcrübələrini bölüşdü.

“Mən təhsilimi xarici ölkədə magistr səviyyəsində davam etdirmək üçün universitet axtarışında idim və xoşbəxtlikdən Xəzər Universitetinin vesbsaytı qarşıma çıxdı. Vebsayt istifadə üçün kifayət qədər rahatdır və özündə bütün proqramları, təqaüd imkanlarını və müraciət qaydalarını əks etdirmişdi. Əfqanıstanda da təhsilim biznesin idarə edilməsi olduğu üçün magistr təhsilimi Xəzər Universitetində məhz biznesin idarə edilməsi üzrə davam etdirmək qərarına gəldim. Öz biznesimi qurmaq və idarə etmək həmişə arzum olub və düşünürəm ki, Xəzər Universitetində magistr təhsili məni öz xəyallarıma bir az da yaxınlaşdıracaq”.

“Xəzər Universitetinin MBA proqramı mütəxəssislərə bilik və təcrübələrini möhkəmləndirmək və inkişaf etdirmək üçün gözəl şərait yaradır. Burada təhsilimə başlamazdan əvvəl mən Əfqanıstanda bir qeyri-hökumət təşkilatında insan resursları üzrə menecer kimi işləyirdim və onun ardınca Xəzər Universitetində aldığım magistr təhsili mənə biznesin və müəssisələrin idarə olunması, şəxsi bizneslərdə insan resurslarının idarə edilməsi kimi sahələrdə çox dəyərli biliklər qazandırdı. Əminəm ki, bu biliklər gələcək professional karyeramda mənə çox yardımçı olacaq”.

Artıq Xəzər Universitetində magistr təhsilini tamamlamaq üzrə olan Maryam deyir: “Magistr kimi, Xəzər Universitetində axırıncı ilim olsa da, doktorantura təhsilimi də burada davam etdirmək istəyirəm. Buna görə də, inanıram ki, hələ “Xəzər”lə belə tezliklə sağollaşmayacam.”

Müsahibənin tam mətnini ingiliscə buradan oxumaq mümkündür: http://international.khazar.org/living-in-baku-itself-is-a-fulfilling-experience-maryam-adli/.

Maryam Adli ilə aparılan müsahibə universitetin Beynəlxalq əlaqələr ofisinin təşkil etdiyi “Dünya və Xəzər” layihəsi çərçivəsində baş tutmuşdur. Layihə çərçivəsində Xəzər Universitetinin əcnəbi tələbələrindən silsilə müsahibələr götürülür.