2019-cu il martın 1-də Xəzər Universiteti Psixologiya departamentinin müəllimi Nilufər Əlizadə Psixologiya Elmi Tədqiqat İnstitutunda “Sağlamlıq psixologiyasında individuallıq” (Individual differences in health psychology) mövzusunda seminar ilə çıxış etdi. Seminarda nəzəri hissədən əlavə, N.Əlizadə İngiltərənin səhiyyə sistemindən götürülmüş nümunələr əsasında fikirlərini izah etdi. Seminar BDU-nın 4-cü kursunda oxuyan və hazırda Psixologiya Elmi Tədqiqat İnstitutunda təcrübə keçən tələbələr tərəfindən maraqla qarşılandı və müzakirələrə geniş yer verildi.
Sonra tələbələrə Xəzər Universitetində psixologiyanın tədrisi, üstünlükləri, tələbə həyatı və davamlı formada keçirilən seminar və konfranslar haqqında məlumat verildi.