2019-cu il fevralın 25-də Azərbaycan Elm Assosiasiyasının həmsədri İnqilab Şahbazov tərəfindən “Cinayətkarlıq və psixoloji amillər” adlı təlim keçirildi. Təlimə Xəzər Universitetinin psixologiya ixtisasının tələbələri ilə yanaşı, psixoloq kimi fəaliyyət göstərən şəxslər də qatılmışdılar. Təlimi Psixologiya departamentinin müəllimi Nilufər Əlizadə təşkil edir.

Təlim boyu İnqillab Şahbazov kriminalogiyada ən çox rastlanan psixoloji amillərdən, xarici ölkələrdəki cəzaçəkmə müəssisələrindəki psixoloji yardım layihələrindən və bunların Azərbaycana tətbiq edilə bilmə yollarından danışdı.

Təlimdə tələbələr aktiv şəkildə müzakirələrdə iştirak edərək, bu sahə üzrə aparılan eksperimentlərdən sitatlar da gətirdilər.

Qeyd edək ki, İ.Şahbazov İngiltərənin Şeffild Universitetində sosiologiya üzrə bakalavr, London İqtisadiyyat və Siyasi Elmlər Məktəbində ədliyyə sistemi üzrə magistr təhsili almışdır. İnqilab Şahbazov “Sosioloji nəzəriyyələr” kitabının da müəllifidir.