2019-cu il yanvarın 24-də Xəzər Universiteti Azərbaycan dili və ədəbiyyatı departamentinin doktorantı Qardaşxan Əzizxanlının “Azərbaycan poeziyasında vətəndaşlıq lirikası (M.Araz, S.Tahir AzərAzər, M.S.İsmayıl yaradıcılığı)” mövzusunda yazdığı dissertasiya işinin ilkin müzakirəsi keçirildi.

Müzakirənin keçirildiyi şuranın iclasını Azərbaycan dili və ədəbiyyatı departamentinin əməkdaşı dosent Dilbər Zeynalova (sədr) açdı, müzakirə iclasının qaydalarını izah etdi. Sonra söz iddiaçıya verildi.

Daha sonra dissertasiya işi ətrafında müzakirələr oldu. Q.Əzizxanlının elmi rəhbəri professor Bədirxan Əhmədov, Xəzər Universiteti Magistratura, doktorantura və elmi işlər bölməsinin koordinatoru Cabir Məmmədli və iclasda iştirak edən digər elm adamları müzakirələrə qoşuldular.

Sonda Qardaşxan Əzizxanlının elmi işinin növbəti mərhələyə keçirilməsinə qərar verildi.