2019-cu il yanvarın 29-da Xəzər Universiteti İngilis dili və ədəbiyyatı departamentinin doktorantı Firuzə İbrahimovanın “İngilis dilində dil səriştəsinin formalaşması və reallaşması” mövzusunda yazdığı dissertasiya işinin ilkin müzakirəsi keçirildi.
Müzakirənin keçirildiyi şuranın iclasını İngilis dili və ədəbiyyatı departamentinin koordinatoru Eynur Mehdiyev açdı, müzakirə iclasının qaydalarını izah etdi. Sonra söz iddiaçıya verildi.
İddiaçının çıxışından sonra dissertasiya işi ətrafında müzakirələr oldu. F.İbrahimovanın elmi rəhbəri professor Fəxrəddin Veysəlli, İngilis dili və ədəbiyyatı departamentinin proqram koordinatoru Milana Abbasova, Xəzər Universiteti Magistratura, doktorantura və elmi işlər bölməsinin koordinatoru Cabir Məmmədli və digər elm adamları müzakirələrdə iştirak etdilər.
Sonda Firuzə İbrahimovanın elmi işinin, qeyd olunan düzəlişlər edilmək şərtilə, növbəti mərhələyə keçirilməsinə qərar verildi.