Yanvarın 21-də Gənc Tamaşaçılar teatrında Xəzər Universitetinin Kamera orkestrinin İctimai TV-də nümayiş etdirilmək üçün konsert proqramının çəkilişləri olmuşdur.
Xəzər Universitetinin Musiqi və incəsənət departamentinin müdiri, əməkdar müəllim, pianoçu Zülfiyyə Sadıqovanın rəhbərliyi ilə Kamera orkestri Üzeyir Haçıbəylinin, Fikrət Əmirovun və digər Azərbaycan bəstəkarlarının əsərlərini ifa etmiş, orkestrin müşayiəti ilə mahnılar səslənmişdir.
Konsert proqramında şair Hamlet İsaxanlının “Bir zamanlar” şeirinə Əməkdar incəsənət xadimi Ceyhun Allahverdiyevin bəstələdiyi balladanı müğənni Orxan Cəlilov ifa etmişdir.
Proqramda Zülfiyyə Sadıqovadan müsahibə alınmşdır. O, yarandığı gündən rəhbəri olduğu Kamera orkestrinin beş illik fəaliyyətinə nəzər salmış, uğurlarından bəhs etmişdir.