“Ədəbiyyat qəzeti”nin 26 yanvar 2019-cu il tarixli nömrəsində və edebiyyatqazeti.az saytında AMEA-nın müxbir üzvü Tehran Əlişanoğlunun “Bakıdan Dubnaya, Xəzərdən Volqaya: Elm və Sənət dekadası” adlı geniş məqaləsinin ikinci hissəsi çap olunub. Məqalənin ikinci hissəsi 2018-ci il noyabrın 14-24-də Bakıda, Şamaxı Astrofizika Rəsədxanasında və Rusiya Federasiyası Moskva vilayətinin Dubna şəhərində “Fizika və lirika: dünya təcrübəsi və MDB ölkələrində elm və ədəbiyyatın reallığı” mövzusunda keçirilimiş beynəlxalq elmi seminarın Dubnaya aid hissəsinin ətraflı icmalından ibarətdir.

Məqalədə müəllif Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlının seminarın Dubna hissəsində də iştirakından, “Riyaziyyatın poeziyası və poeziyanın riyaziyyatı” mövzusunda məruzə etməsindən, həmçinin görüşlər keçirməsindən bəhs etmişdir. Məqaləni bu linkdə oxumaq olar:

http://edebiyyatqazeti.az/news/diger/3092-bakidan-dubnaya-xezerden-volqaya-elm-ve-senet-dekadasi.