2019-cu il yanvarın 28-də “Azərkitab” kitab təbliğat mərkəzində görkəmli Azərbaycan bəstəkarı Cavanşir Quliyevin mahnılarına ipək üzərində rəsm əsərləri çəkmiş Tünzalə Məmmədzadənin sərgisi keçirildi. Sərgidə Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı və universitetin Dizayn üzrə koordinatoru Afaq Kərimova da iştirak etdilər. Hamlet İsaxanlı poeziya, musiqi və rəsm sənətləri arasındakı əlaqədən danışdı, sərgi haqqında fikirlərini bölüşdü.