Xəzər Universitetinin Kamera orkestri İctimai TV-nin 2 fevral Gənclər Günü münasibətilə efirə gedəcək “Antrakt” verilişinin qonağı olacaq. 2019-cu il yanvarın 21-də Gənc Tamaşaçılar teatrında Kamera orkestrinin konsert proqramının çəkilişləri olmuşdur.

Xəzər Universitetinin Musiqi və incəsənət departamentinin müdiri, əməkdar müəllim, pianoçu Zülfiyyə Sadıqovanın rəhbərliyi ilə Kamera orkestri Üzeyir Haçıbəylinin, Fikrət Əmirovun və digər Azərbaycan bəstəkarlarının əsərlərini ifa etmiş, orkestrin müşayiəti ilə mahnılar səslənmişdir.

Konsert proqramında şair Hamlet İsaxanlının “Bir zamanlar” şeirinə Əməkdar incəsənət xadimi Ceyhun Allahverdiyevin bəstələdiyi balladanı müğənni Orxan Cəlilov ifa etmişdir.

Proqramda Zülfiyyə Sadıqovadan müsahibə alınmşdır. O, yarandığı gündən rəhbəri olduğu Kamera orkestrinin beş illik fəaliyyətinə nəzər salmış, uğurlarından bəhs etmişdir.

Veriliş 2019-cu il fevralın 2-də saat 19.35-də efirə gedəcək.