2018-ci il dekabrın 26-da Xəzər Universiteti İqtisadiyyat və Menecment fakültəsi və “Gənc mühasiblər” İctimai Birliyi tərəfindən keçiriləcək olimpiadada iştirak etmək üçün seçim turu keçirildi. Seçim turunun nəticələrinə əsasən İqtisadiyyat və Menecment fakültəsinin 5 tələbəsi –Məhəmməd Bağırlı, Mürsəl Qülami, Şəfa Bünyadzadə, Almaz Quliyeva və Sevinc Məmmədova Olimpiadada iştirak hüququ qazandılar.
“Gənclər üçün mühasibatlıq üzrə II Olimpiyada”nın seçim turundan keçmiş bütün tələbələr 2019-cu ilin fevralında Bakı şəhərində Yekun olimpiadada iştirak edəcəklər.
Qeyd edək ki, Azərbaycan Respublikası Prezidenti yanında Gənclər Fondunun maliyyə dəstəyi ilə “Gənc mühasiblər” İctimai Birliyi tərəfindən Bakı, Sumqayıt və Gəncə şəhərlərində “Gənclər üçün mühasibatlıq üzrə II Olimpiada” keçiriləcək. Olimpiada “Mühasibat uçotu və audit” ixtisası üzrə təhsil alan və seçim turundan keçmiş tələbələrin iştirakı üçün nəzərdə tutulmuşdur.