2018-ci il dekabrın 21-də Xəzər Universitetində “Gənc Xəzər Mühəndisləri” İctimai Birliyi (CES-Caspian Engineers Society) mühəndislik ixtisasında təhsil alan tələbələr üçün “Mən də bacararam?” başlığı altında seminar keçirdi. Seminara Xəzər Universitetinin tələbələri ilə yanaşı digər universitetlərin tələbələri də iştirak edirdilər. Məruzəçi Eldar Mansimov seminarda tələbələrlə karyera, iş həyatında ilk addımlar necə atılmalı, yay təcrübə proqramları və işə qəbul imtahanlarına necə hazırlaşmalı, bir sözlə, uğuru necə qazana biləcəkləri haqqında söhbət apardı.
Ötən il “Gənc Xəzər Mühəndisləri” İctimai Birliyi bir sıra irimiqyaslı uğur və layihələrə imza atmışdır. Belə ki, Avropanın ən böyük mühəndislər assosiasiyalarını birləşdirən federasiyaya –FEANİ-yə (Fedaration of European National Engineering Associations) üzv seçilmiş, Böyük Britaniya Mühəndislik Şurası tərəfindən rəsmi Azərbaycan təmsilçisi kimi qəbul edilərərk, Beynəlxalq Mühəndisliyin “Dünya xəritəsi”nə əlavə olunmuşdur.
Seminarın sonunda məruzəçi tələbələrin suallarını cavablandırdı.