2018-ci il dekabrın 9-dan 22-dək Xəzər Universitetinin Siyasi elm və beynəlxalq münasibətlər departamentinin iki tələbəsi Aygün Əliyeva və Minəxanım Səlimova Avropa Parlamentinə təcrübə səfərində iştirak etdilər. Azərbaycan Respublikası Gənclər Fondu tərəfindən həyata keçirilən proqramda gənclər Avropa İttifaqının bir neçə institutuna (Avropa Parlamenti, Avropa Komissiyası, Avropa İttifaqı Şurası) səfər etdilər. Gənclər parlament nümayəndələri və tədqiqatçılarla görüşdülər. Eyni zamanda, tələbələr Azərbaycan Respublikasının NATO yanında Nümayəndəliyinin başçısı Qaya Məmmədov və Azərbaycan Respublikasının Belçika Krallığında Fövqəladə və Səlahiyyətli səfiri Fuad İsgəndərovla görüşdə iştirak etdilər.