2018-ci il dekabrın 23-də Psixologiya Elmi-Tədqiqat İnstitutunda Tələbə Psixoloqların I Ümumrespublika Konfransı baş tutdu. Maraqlı müzakirələr və təlimlərlə yadda qalan konfransda tədbirə dəvət edilmiş Xəzər Universiteti Psixologiya departamentinin koordinatoru, Xəzər Psixoloji Xidmət Mərkəzinin direktoru psixoloq Mələk Kərimova “Düşüncələrimiz bizimlə necə oynayır?” mövzusunda maraqlı təlim keçirdi. M.Kərimova tədbirdə, eyni zamanda, Xəzər Universiteti Psixologiya departamenti ilə əlaqədar məlumat verərək, departamentin bu sahədəki fəaliyyətlərindən də bəhs etdi. Tədbir sonunda Psixologiya Elmi-Tədqiqat İnstitutunun rəhbəri Elnur Rüstəmov Mələk Kərimovaya plaket təqdim edərək, təşəkkürünü bildirdi.