2018-ci il dekabrın 19-da AccessBank tərəfindən keçirilmiş Tələbə Təqaüd Proqramı müsabiqəsində Xəzər Universiteti İqtisadiyyat və Menecment fakültəsinin 3-cü il tələbəsi Mürsəl Qulami uğurla çıxış edərək, 10 qalibdən biri oldu. AccessBank Tələbə Təqaüd Proqramı üzrə seçilmiş qaliblər növbəti semester ərzində aylıq 100 AZN təqaüd alacaqlar. Həmçinin, həmin qaliblər bankda təcrübə keçmək və bankın müxtəlif tədbirlərində iştirak etmək şansı əldə etdilər.

Qeyd edək ki, 4 mərhələdən ibarət olmuş Tələbə Təqaüd Proqramı müsabiqəsində 800-dən çox 3-cü və 4-cü kurs iqtisadiyyat ixtisasları üzrə təhsil alan bakalavr tələbələri iştirak etmişlər.