2018-ci il dekabrın 18-də Xəzər Universiteti Təhsil fakültəsinin 4-cü kurs tələbələri müasir ədəbi-estetik cərəyanlar fənninin növbəti dərsini Müasir İncəsənət Muzeyində keçirdilər. Fənni tədris edən dosent Dilbər Zeynalova tələbələrə müasir ədəbi-estetik cərəyanlar –ekspressionizm, dadaizm, sürrealizm, kubizm, futurizm haqqında geniş məlumat verdi. Tələbələr muzeyin hər iki mərtəbəsində yerləşdirilən 800-dən çox sənət nümunələri ilə tanış oldular.

Dosent Dilbər Zeynalova tələbələrlə rəngkarlıq, boyakarlıq, heykəltəraşlıq və s. sahələr arasındakı harmoniyanın müxtəlif təzahür formaları ətrafında müzakirələr apardı. Azərbaycan xalq rəssamlarından Tahir Salahov, Toğrul Nərimanbəyov, Oqtay Sadıqzadə və başqalarının maraqlı sənət əsərləri tələbələrin böyük marağına səbəb oldu. Muzeydə gənc rəssamlardan Niyazi Cəfərov, Rasim Babayev, Ənvər Əsgərov, Nazim Balakişiyev, Əsmər Nərimanbəyova, Altay Sadıqzadənin də əl işləri xoş təəssürat oyatdı.

Tələbələr muzeydən yüksək təəssüratla ayrıldılar.