2018-ci il dekabrın 14-də Xəzər Universitetinin nəzdində fəaliyyət göstərən “Dünya” məktəbində Xəzər Universitetini tanıtma məqsədilə tədbir keçirildi. Xəzər Universiteti tərəfindən məktəbin 10-cu və 11-ci sinif şagirdləri ilə görüşdə universitetin İctimai Əlaqələr və Media üzrə direktoru Əlövsət Əmirbəyli və Tələbələrin cəlb olunması üzrə işçi qrupun rəhbəri Fuat Rəsulov iştirak edirdilər. Məktəbin kitabxanasında keçirilən görüşdə Əlövsət Əmirbəyli universitet barəsində ətraflı məlumat verdi, təhsil sisteminin üstünlüklərini vurğuladı. Sonra Fuat Rəsulov Xəzər Universitetinin tanıtım çarxını nümayiş etdirməklə, Xəzər Universitetinin məzunları və onların karyeraları haqqında məlumat verdi. Eyni zamanda, müasir gənclərin Xəzər Universitetində ödənişli və ödənişsiz əsaslarla təhsil almağının mümkülüyü və üstünlükləri barəsində ətraflı məlumat verdi.

Daha sonra Əlövsət Əmirbəyli tələbələrin suallarını cavablandırdı.