2018-il dekabrın 15-də Azərbaycan Tibb Assosiasiyasının (ATA) Pediatriya Dərnəyi, PM Akademiya Psixoloji Xidmət və Uşaq İnkişaf Mərkəzi, Azərbaycan Tibb Assosiasiyasının (ATA) Ginekologiya Dərnəyinin birgə təşkilatçılığı ilə “Reproduktiv sağlamlıq: Tibbi və psixoloji aspektlər” adlı 1-ci milli konfrans keçirildi. Konfransda Xəzər Psixologiya Departamentinin koordinatoru və Xəzər Psixoloji Xidmət Mərkəzinin direktoru Mələk Kərimova da məruzəçi kimi dəvət edilərək, “Ailə münasibətlərində mənəvi-estetik dəyərlər” mövzusunda çıxış etdi.
Konfransda iştirak edən mütəxəssislərə Azərbaycan Respublikası Səhiyyə Nazirliyinin Elmi Tibbi Şurası tərəfindən təsdiqlənmiş Davamlı Tibbi Təhsil üzrə kredit saatlar nəzərə alınmaqla sertifikatlar təqdim edildi.