2018-ci ilin noyabrın 28-dən dekabrın 26-dək Birinci Çin mədəniyyəti fəsli keçirilir. Bu tədbirdə İqtisadiyyat və Menecment fakültəsi və Humanitar və Sosial Elmlər fakültəsinin tələbələri iştirak edirlər.

Mədəniyyət fəslində dörd mövzu var: Çin mətbəxi (noyabr 28), şəhər gəzintisi (5 dekbar), Çin Kunq-fusu (12 dekabr), Çin poeziyası və incəsənəti (19 dekabr), dünya ailəsi (26 dekabr). Bu tədbir vasitəsilə iştirakçılar Çin mədəniyyətindən zövq alacaq və onların ekzotik mədəniyyətə olan marağı artacaq.

Mətbəx kursunda tələbələr ənənəvi Çin yeməkləri hazırlamağı öyrənəcək. Şəhər gəzintisində isə tələbələr Pekin, Hanqzu, Yinçu, Yanqzu, Nanjin kimi şəhərlərlə tanış olacaqlar. Çin Kunq-fusu kursunda isə Tai Çi üzrə mütəxəssis təlim keçəcək. Çin poeziyası və incəsənəti isə möhtəşəm ənənəvi mədəniyyət nümayiş etdirəcək.

Arzu edən hər kəs kurslarda iştirak edə bilər.