2018-ci il dekabrın 9-da Xəzər Universiteti İqtisadiyyat və Menecment fakültəsinin tələbələri – Xəyalə Şıxəliyeva, Bəhram Həsənli, Murad Nuriyev və Mürsəl Qulamidən ibarət komandası SOCAR-AQS, Azercell, BP, Coca-Cola İçecek, ENGIN, Azer Turk Bank, Azsığorta ASC, Deloitte Azərbaycan, EY Azərbaycan, KPMG Azərbaycan və ABŞ-ın Azərbaycandakı Səfirliyinin dəstəyi ilə keçirilmiş Azərbaycan Biznes İdeya müsabiqəsi 2018-in final mərhələsində uğurla çıxış edərək, 2-ci yerə layiq görüldülər. Komandanın işi münsiflər heyəti, ABCC məzunları və həmçinin, müsabiqə iştirakçılarının rəğbətini qazandı.

Qeyd edək ki, layihə 2018-ci ilin sentyabrından başlamış və layihədə iştirak edən 66 komandadan cəmi 4-ü finala vəsiqə qazanmışdı. Komandaların qiymətləndirilməsi maliyyə təhlili, taqdimat forması və s. amillərə əsasən aparılırdı.