2018-ci il dekabrın 3-də Xəzər Universiteti Karyera Mərkəzinin təşəbbüsü ilə P&G şirkətinin tanıtım və məlumatlandırma sessiyası baş tutdu. Tədbir universitetin “Neftçilər” kampusunda oldu.

Tədbirdə şirkətin üç əməkdaşı və universitetin tələbələri iştirak edirdilər. Şirkətin nümayələrindən (category manager) Camal Novruzzadə P&G şirkəti, şirkətin məhsulları, satış hədəfləri, şirkətdə tələbələr üçün nəzərdə tutulmuş ödənişli təcrübə proqramları haqqında məlumat verdi. Daha sonra o, sözü şirkətin Marketinq departamentindən Vüsalə Məhərrəmovaya verdi. O, “P&G-də ilk gün” haqqında öz təcrübəsindən çıxış edərək, paylaşdığı məlumat tələbələrin marağına səbəb oldu. Şirkət daxilindəki dinamik atmosferdən, maraqlı iş tempindən və işçi heyətinə (təcrübəçilər də daxil olmaqla) yanaşma tərzindən bəhs etdi. Tədbirə, o cümlədən, digər universitet tələbələrindən də qatılanlar oldu. Onların suallarının bir qismini Firuzə Abbasova (Retail account manager) cavablandırdı.

Tədbirin sonunda tələbələrin sualları cavablandırıldı.