2018-ci il dekabrın 2-də Xəzər Universiteti İqtisadiyyat və Menecment fakültəsinin turizm və otelçilik ixtisasının tələbələri İqtisadiyyat və menecment departamentinin müəllimləri – QəhrəmanYusupov və Kamran Behbudovun rəhbərliyi ilə Bakı turunda oldular. Tur müddətində tələbələrə müəllimlər tərəfindən İçərişəhərin tarixi, infrastrukturu, habelə, Qoşa Qala qapıları, Şirvanşahlar sarayı, Karvansaray, Qız Qalası, İçərişəhər Cümə məscidi və bir çox digər tarixi və turistik yerlər haqqında məlumat verildi. Tələbələr Minuatür Kitab Muzeyi və bir neçə rəsm qalereyası və emalatxanasını ziyarət etdilər. Həmçinin, turun ikinci hissəsində tələbələr Dənizkənarı Bulvar ərazisində yerləşən Xalça muzeyinə və bir çox digər yerlərə baş çəkdilər.

Turun sonunda müzakirələr aparıldı.