2018-ci il dekabrın 1-də Xəzər Universitetinin şəhərin mərkəzindəki kampusunda –Fikrət Əmirov adına konfrans-konsert mərkəzində Respublika müəllimlərinin beynəlxalq seminarı keçirildi. Azərbaycan Respublikası “Təhsil” Cəmiyyəti ilə Turkuaz Karyera Mərkəzinin birgə təşkilatçılığı ilə keçirilən seminarda millət vəkilləri, təhsil ictimaiyyətinin təmsilçiləri, o cümlədən Azərbaycanın müxtəlif bölgələrindən olan təhsil işçiləri iştirak edirdilər.
Azərbaycan Milli Televiziya və Radio Şirkətinin əməkdaşı İlkin Babanın aparıcılığı ilə keçirilən tədbirin rəsmi hissəsində çıxış edən millət vəkili, Azərbaycan Mətbuat Şurasının sədri Əflatun Amaşov müasir müəllimin keyfiyyət meyarlarından danışdı. Millət vəkili Sona Əliyeva Azərbaycan dövləti tərəfindən həyata keçirilən təhsil strategiyasından söz açaraq, müəllimlərə uğurlar arzuladı. Bakı Dövlət Universiteti Türkologiya kafedrasının müdiri professor Ramiz Əsgər, İctimai TV və Radio Yayımları Şirkəti Yayım Şurasının üzvü, Əməkdar jurnalist Azər Həsrət seminarın əhəmiyyətini vurğulayaraq, təhsilin keyfiyyətinin artırılmasında belə tədbirlərin zəruriliyini qeyd etdilər.
Daha sonra tədbir təlimçilərin çıxışları ilə davam etdirildi. Phd. Araz Zeyniyev (ABŞ), Stefanie Matzer (Avstriya), 193 nömrəli tam orta məktəbin müəllimi Günay Hüseynzadə (Azərbaycan), Chen Xiaozhen (Çin), Bakı Beynəlxalq Təhsil Kompleksi Rəqəmsal öyrənmə və İT üzrə koordinatoru Elvin Əliyev (Azərbaycan), Ceren Evcen (Türkiyə), Bakı Uşaq Teatrın nəzdindəki uşaq hüquqları sahəsində layihələr keçirən Forumclub-un rəhbəri Arzu Soltan (Azərbaycan), Heydər Əliyev Fondunun Regional İnkişaf İctimai Birliyinin İnklüziv təhsil mütəxəssisi Fərid Süleymanov (Azərbaycan) və Təhsil İnstitutunun Beynəlxalq əməkdaşlıq şöbəsinin müdiri əməkdar müəllim Almaz Həsrət (Azərbaycan) müxtəlif mövzularda dünya təhsil sistemində tətbiq edilən müasir metodlardan və təlim üsullarından danışdılar.
Bu barədə respublika kütləvi informasiya vasitələrində də xəbərlər yayınlanmışdır. Beynəlxalq seminar haqqında bu linklər vasitəsilə daha geniş məlumat almaq olar:
http://palitranews.az/news.php?id=96184
Copyright © Xəzər Universiteti, 2025
