2018-ci il noyabrın 28-də Azərbaycan Banklar Assosiasiyasının (ABA) törəmə qurumu olan “Banklar və Biznes” qəzeti, Yapı Kredi Bank Azərbaycan QSC-nin təşkilati dəstəyi ilə keçirilən Həsən bəy Zərdabinin anım gününə həsr olunmuş “Məsuliyyətli borclanma” adlı məqalə müsabiqəsinin mükafatlandırma mərasimi baş tutdu.

Tədbirdə ABA-nın nümayəndələri, “PR və marketinq üzrə” ekspert qrupunun üzvləri, Yapı Kredi QSC-nin nümayəndələri və tələbələr iştirak edirdilər.

Belə ki, Xəzər Universitetinin İqtisadiyyat və Menecment fakültəsinin 3-cü il tələbəsi Aydın Səlimli müsabiqənin 2-ci yerinə layiq görülərək, sertifikatla təltif edildi, Yapı Kredi Bank Azərbaycan QSC tərəfindən müxtəlif hədiyyələr təqdim edildi və Yapı Kredi Bank Azərbaycan QSC-nin Təcrübə proqramında iştirak etmək imkanı əldə etdi.

Qeyd edək ki, məqalə müsabiqəsinə 20-dən çox məqalə təqdim edilmişdi.