2018-ci il noyabrın 17-də Bakıda “Dövlət İmtahan Mərkəzinin fəaliyyəti: imtahanlara dövlət nəzarəti və ictimai nəzarətin vəhdəti” mövzusunda konfrans keçirildi. Konfransda Xəzər Universitetinin Magistratura, Doktorantura və elmi-tədqiqat bölməsinin müdiri Eldar Şahgəldiyev iştirak etdi. Konfrans Məleykə xanım Abbaszadənin “Dövlət İmtahan Mərkəzinin fəaliyyəti: imtahanlara dövlət nəzarəti və ictimai nəzarətin vəhdəti” mövzusunda nitqi ilə başladı.

Konfransda imtahanların texnologiyasında 2019-cu ildə nəzərdə tutulan dəyişikliklər, habelə, yeni məzmunda imtahan tapşırıqları ilə bağlı məlumatlar verildi, imtahanların təşkili, keçirilməsi, nəticələrin emalı, dövlət qulluğuna qəbul məsələlərinə toxunuldu.

Konfransın yekununda ötən il ərzində fərqlənən imtahan rəhbərləri və nəzarətçilərinin təltif olunması mərasimi keçirildi.