2018-ci il noyabrın 19-da Xəzər Universitetinin nəzdində fəaliyyət göstərən “Dünya” məktəbində “Qloballaşma və milli-mənəvi dəyərlər” mövzusunda beynəlxalq konfrans təşkilatçılarının görüşü baş tutdu. Konfrans Xəzər Universiteti, “Dünya” məktəbi, Azərbaycan Respublikası Prezidenti yanında Bilik Fondu və “International Baccallaurate” təşkilatı tərəfindən birgə təşkil edilir.
Görüşdə Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı, Bilik Fondunun icraçı direktoru Oktay Səmədov, İB nümayəndəsi Vedrana Pavletic, “Dünya” məktəbinin təsisçisi Nailə xanım İsayeva, həmçinin, məktəbin direktoru, İB koordinatorları iştirak edirdilər. Konfransın təşkili ətrafında geniş müzakirələr aparıldı.