2018-ci il noyabrın 17-də “Zəngi” liseyində Təhsil ictimaiyyətinin tanınmış nümayəndələri ilə məktəb kollektivinin görüşü keçirildi. Görüşdə Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı və Azərbaycan Milli Elmlər Akademiyası Riyaziyyat İnstitutunun direktoru professor Misir Mərdanov da iştirak edirdilər. Hamlet İsaxanlı Riyaziyyat və fizika, riyaziyyatın təbiət elmlərinin inkişafında rolu, riyaziyyatın tədrisi, Xəzər Universiteti və orta məktəb əlaqələri və “Zəngi” liseyinin inkişafı ətrafında söhbət etdi.