Xəzər Universiteti Humanitar və Sosial Elmlər fakültəsinin dekan müavini Validə Kərimovanın (doktorant) Azərbaycan Dillər Universitetinin Ümumi dilçilik kafedrasının müdiri professor Fəxrəddin Veysəlli ilə birgə həmmüəllif olduğu “The sentence deep structure and its semantic research principles in N.Chomsky’s Syntactic Structures” adlı elmi məqaləsi Rusiya Federativ Respublikasının Volqoqrad şəhərinin Beynəlxalq elmi “Philology” jurnalının 2018-ci il 6-cı sayında çap edilmişdir (ISSN 2414-4452). Məqalədə, əsasən, alt qat strukturunun cümlənin başlıca forması olması, alt qatın spesifik xüsusiyyətlərinin müəyyənləşdirilməsi qaydaları, dilin mənimsənilməsində alt qat strukturunun əlaqəsi, köməkçi inversiya və wh-önlüyü kimi qaydalardan əvvəl tətbiq olunduğu izah edilir.