Tarix elmləri doktoru, Bakı Dövlət Universitetinin professoru Nəsiman Yaqublunun Bakının qurtuluşunun 100 illiyinə həsr olunmuş “Qafqaz İslam Ordusunun Azərbaycanda izləri” kitabının Türkiyə Cümhuriyyətinin Azərbaycandakı səfirliyində təqdimat mərasimi keçirildi. Təqdimat mərasimində səfir Ərkan Özoral, Nəsiman Yaqublu, tədqiqatçı Firdövsiyyə Əhmədova çıxış etdilər. Səfir Ə.Özoral N.Yaqublunun bu sahədəki çalışmalarını yüksək dəyərləndirdi.

Kitabın təqdimat mərasimində millət vəkillərindən Məlahət İbrahimova, Gövhər Baxşəliyeva. Fərəc Quliyev, tanınmış ziyalılardan Sabir Rüstəmxanlı, Qulu Məhərrəmli, Rəşad Məcid, Zülfüqar Hüseyinzadə, “Atatürk” litseyinin müəllimləri, Türkiyənin Bakıdakı iş adamları, Türkiyə Hərbi Ataşeliyinin təmsilçiləri, media mənsubları iştirak edirdilər.