2018-ci il oktyabrın 17-dən 20-dək Xəzər Universitetinin Elmi işlər üzrə prorektoru və Bioloji elmlər departamentinin müdiri dosent İradə Xəlilova Çinin Heifei şəhərində keçirilən Birinci Beynəlxalq Kakao Qəhvə və Çay Aşıya-2018 (First International Congress on Cocoa Coffee and Tea Asia-2018 –CoCoTea Asia-2018) Konqresində dəvət olunmuş mütəxəssis kimi iştirak etdi və məruzəçi kimi çıxış etdi. Konfrans Dövlət Çay Bitkisı Biologiyası aparıcı laboratoriyası və Çinin Anhui Kənd Təsərrüfatı Universiteti tərəfindən təşkil edilmişdi.

Birinci Beynəlxalq Kakao Qəhvə və Çay Asiya-2018 Konqresi tədqiqatçılar üçün çay, qəhvə və kakaonun, həmçinin, bunların biologiya, kimya, texnologiya, metabolomiya, qidalanma və sağlamlıq, keyfiyyət və təhlükəsizlik nəzarəti kimi sahələrdə innovativ elmi nailiyyətlərini müzakirə etmək imkanı yaratdı. Konfransda dəvət olunmuş 100-dən çox beynəlxalq məruzəçi iştirak edirdi.

Dosent İradə Xəlilova “Qafqaz çayı: tarixi, mədəniyyəti və sağlamlıq üstünlükləri haqqında tədqiqatlar” mövzusunda təqdimat verdi. Konfransda, həmçinin, elmi əməkdaşlıq təlimi təşkil edildi. Bu təlimdə Çinin Anhui Kənd Təsərrüfatı Universiteti və Xəzər Universiteti arasında elmi tədqiqat layihələri üzrə Çin tərəfdən layihə meneceri dosent Jinbao Huang və Xəzər Universiteti tərəfindən dosent İradə Xəlilova Əməkdaşlıq müqaviləsi imzaladılar.

Konfransın son günündə iki ölkə –Hindistan (Hindistan Dövlət Kənd Təsərrüfatı Nazirliyi) və Azərbaycan (Xəzər Universiteti) növbəti Beynəlxalq Kakao Qəhvə və Çay Asiya-2020 Konqresinin keçirilməsi üçün seçildilər. Hər iki ölkənin nümayəndələri təşkilatları haqqında çıxışlar etdilər. Dos. İ.Xəlilova növbəti konfransın Azərbaycanda –Xəzər Universitetində keçirilməsi barədə xoş məramla çıxış edərək, Azərbaycanın Avrasiya regionunda yerləşməsinin əhəmiyyətindən, həmçinin Xəzər Universitetinin təcrübəsi, onun strategiyası və mühüm nailiyyətləri haqqında danışdı.