2018-ci il oktyabrın 13-dən 16-dək Xəzər Universitetinin Psixologiya departamentinin koordinatoru, Xəzər Psixoloji Xidmət Mərkəzinin direktoru psixoloq Mələk Kərimova Türkiyənin Ankara şəhərində Koqnitiv Davranış Terapiyalar Dərnəyinin təşkil etdiyi “KDT-da üst səviyyə konsultativ bacarıqlar” təlimində iştirak etdi.
M.Kərimova, eyni zamanda, Koqnitiv Davranış Terapiyalar Dərnəyinin oktyabrın 18-dən 21-dək təşkil etdiyi 1-ci Beynəlxalq Koqnitiv Davranış Psixoterapiyalar Konfransında da “Koqnitiv Davranış Terapiyasında Şərq hekayələrinin istifadə edilməsi” mövzusunda tezis ilə çıxış etdi.
M.Kərimova konfransda İsveçdən professor Niklas Törneke, Ruminiyadan professor David Daniel, Birləşmiş Krallıqdan professor Satwant Singh, professor Cecilia Eccau, professor Paul Stallardın tam gün çalışma qruplarında iştirak etdi.