2018-ci il oktyabrın 19-da Erasmus+ “Universitetdə miqrasiya təhsilinin təşviqi” (PROMİG, 573554-EPP-1-2016-1-GE-EPPKA2-CBHE-JP) layihəsi çərçivəsində Xəzər Universitetində İqtisadiyyat və Menecment fakültəsi, İnkişaf Mərkəzi və Təlim-Tədris Mərkəzinin təşkilatçılığı ilə “Miqrasiya və davamlı inkişaf” mövzusunda bir günlük məlumatlandırıcı konfrans keçirildi.
Tədbirdə, həmçinin, Xəzər Universitetinin tərəfdaşı olduğu digər Erasmus Plus PAWER (Beynəlxalq mobilliyə cığır açmaq və hərtərəfli keyfiyyət, uyğunluq və bərabərliyin təminatı) layihəsi haqqında universitetin İnkişaf Mərkəzinin direktoru Raziyə İsayeva konfrans iştirakçılarına məlumat verdi.
Qeyd edək ki, tədbir layihədə həyata keçirilmiş işlərin geniş ictimaiyyətə çatdırılması məqsədini daşıyırdı. Konfransda Azərbaycan Dillər Universiteti, Azərbaycan Dövlət Pedaqoji Universiteti, Qərbi Kaspi Universiteti, Azərbaycan Texniki Universiteti, Azərbaycan Kooperasiya Universiteti, Bakı Slavyan Universiteti və Azərbaycan Dövlət Neft və Sənaye Universitetinin əməkdaşları da iştirak edirdilər.