2018-ci il oktyabrın 17-də çinli tələbələr Xəzər Universitetində “Çin mənim nəzərimdə” adlı mübadilə görüşü keçirdilər. Görüşdə Çin dili müəllimi Li Ya, Xəzər Universiteti İqtisadiyyat və Menecment fakültəsinin dekanı Dr.Ceyhun Məmmədov, həmin fakültənin dekan müavini Dr.Şəhriyar Muxtarov, Zülfiyyə Rasimova, ABC məktəninin Çin dili müəllimi, Amanullah Nazari, Ağaxan Bağırlı və İlqar Orucov da iştirak edirdilər.

Açılış nitqi söyləyən Dr.Ceyhun Məmmədov qeyd etdi ki, Çin dili müasir dövrdə çox praktiki əhəmiyyətə malikdir. Dr.Ceyhun Məmmədov bildirdi ki, bu il rəhbərlik etdiyi fakültənin 3 tələbəsi Çinin Anhui Universitetində yay məktəbində olmuşlar. O, əlavə etdi ki, daha çox tələbənin Çin dilinə maraq göstərəcəyinə və belə imkanlar əldə edəcəyinə ümid edir.

Yay məktəbində iştirak edən Amanullah Nazari, Ağaxan Bağırlı və İlqar Orucov öz təcrübələri – sürətli qatar, fərqli sosial zümrələr, gözəl mənzərələr, dadlı təamlar, əcnəbi dostlar və s. haqqında danışdılar və bu proqramda istirak etdiklərinə görə məmnunluqlarını bildirdilər.

Özünün Çin dili təlimi təcrübəsindən danışan Zülfiyyə Rasimova tələbələrə tövsiyə etdi ki, Çin dilini məqsədyönlü və zəhmətkeçliklə öyrənsinlər. Çünki bu dil gələcək karyeraları üçün çox əhəmiyyətlidir.

Sual-cavab hissəsində tələbələr Çin və Çin dili haqqında çoxlu suallar verdilər.