2018-ci il oktyabrın 16-dan 18-dək Xəzər Universiteti Siyasi elm və beynəlxalq departamentinin təşkilatçılığı ilə DESCnet layihəsi çərçivəsində Tartu Universitetinin Johan Skytte Siyasi Araşdırmalar İnstitutunun Avropa Tədqiqatları üzrə professoru Dr. Stefano Bragiroli ilə tələbələr üçün 3 günlük sessiya keçirildi. Dr. Stefano Bragiroli Xəzər Universitetinin tələbələri üçün üç fərqli mühazirə təqdim etdi.
2018-ci il oktyabrın 16-da sessiyanın ilk günündə Dr. Stefano Bragiroli “Aİ-nin ümumi xarici və təhlükəsizlik siyasəti və Aİ-NATO münasibəti” mövzusunda mühazirə ilə çıxış etdi. Tələbələr xarici siyasət, Avropa İttifaqının təhlükəsizlik diplomatiyası, Aİ Ümumi Xarici və Təhlükəsizlik Siyasətinin tarixi inkişafı, Aİ-NATO əlaqələri, Avropanın ərazi bütövlüyündə NATO-nun rolu barədə məlumatlandırıldı.
Oktyabrın 17-də qonaq spikerin “Aİ-Rusiya münasibətləri” adlı seminarı Rusiya və Aİ-nin siyasi gücü, iki siyasi gücün qarşılıqlı siyasi təsiri və maliyyə əlaqəsini, gələcək Rusiya-Avropa İttifaqı münasibətlərini təhlil etdi. Bundan əlavə, Aİ-nin bir neçə üzv dövlətləri ilə Rusiyanın münasibətləri və bu ikitərəfli münasibətlərin Avropa İttifaqı-Rusiya əlaqələrinə təsiri müzakirə edildi.
Mühazirədən sonra cənab Bragirolinin Xəzər Universitetinin rektoru Dr.Hassan Niknafsla görüşdü. Görüşdə Xəzər Universitetinin tarixi, ixtisaslar, tədqiqat imkanları və universitetin beynəlxalq əlaqələri haqqında məlumat verildi. Bundan əlavə, tələbə və kadr mübadiləsi üzrə qarşılıqlı əməkdaşlıq imkanları, Xəzər Universiteti ilə Tartu Universiteti arasında ikitərəfli proqramların hazırlanması və birgə tədqiqatların aparılması müzakirə olundu. Eyni zamanda, İnkişaf Mərkəzinin rəhbəri Raziyə İsayeva və Siyasi elm və beynəlxalq münasibətlər departamentinin koordinatoru Elmar Mustafayev də görüşdə iştirak etdilər.
Oktyabrın 18-də “Avropa Qonşuluq Siyasəti və Şərq Tərəfdaşlığı” məsələsi müzakirə olundu. Tələbələr Avropa qonşuluq siyasətinin inkişafı, Avropa qonşuluq siyasəti ölkələri ilə Avropa İttifaqı arasında təhlükəsizlik və miqrasiya, mobillik, viza rejiminin sadələşdirilməsi məsələlərini müzakirə etdilər.
Mühazirələrin sonunda cənab Dr. Stefano Bragiroli auditoriyanın suallarını cavablandırdı.