2018-ci il oktyabrın 10-da Xəzər Universitetinin müəllimi, professor Nəsiman Yaqublunun tədris etdiyi “Azərbaycan tarixi-3” fənni Azərbaycan Respublikası Milli Arxiv İdarəsində (MAİ) keçirildi.

Tələbələri MAİ-nin əməkdaşları qarşıladılar, onlara idarə haqqında dolğun məlumat verildi. Tələbələr Azərbaycan Xalq Cümhuriyyətinin elan edilməsi haqqında İstiqlal Bəyannaməsinin orijinal nüsxəsi ilə tanış oldular. Arxivin əməkdaşı Səyyarə Hacıyeva oxu zalında çalışmaq qaydaları barədə tələbələrə geniş izahat verdi. Laboratoriya müdiri Rəfiqə Korenkova onları laboratoriyada iş prosesi ilə tanış etdi. Laborantlar köhnə qəzet nüsxələrinin bərpası prosesini tələbələrə əyani şəkildə göstərdilər.