2018-ci il oktyabrın 3-də Xəzər Universiteti Tarix və arxeologiya departamentinin müəllimi Araz Aslanlı Türkiyədə keçirilən beynəlxalq simpozium və seminarlarda iştirak etdi. Araz Aslanlı Giresun Bələdiyyə salonunda əcnəbi tələbələr üçün təşkil edilmiş “Qarabağ problemində hüquqi və hərbi vəziyyət” adlı təlim-seminarda məruzə etdi.

Araz Aslanlı oktyabrın 4-də Gümüşhanə Universitetində təşkil edilən beynəlxalq simpoziumda məruzə etdi. Məruzədə Azərbaycan-Bosniya və Hersoqovina münasibətləri təhlil edildi, iki ölkənin 1990-cı illərdə oxşar problemlərlə qarşılaşdığı vurğulandı və Ermənistanın işğalçılıq siyasətinin yaratdığı mənfi nəticələrə toxunuldu.

2018-ci il oktyabrın 6-da isə Ankara şəhərində təşkil edilən təlim-seminarda məruzəçi kimi çıxış edən Araz Aslanlı Qarabağ probleminin tarixi təməllərinə və həlli prosesinə, xüsusilə Ermənistanın Azərbaycan ərazilərini işğal etməsinin Azərbaycan və ümumilikdə region üçün yaratdığı ağır nəticələrə toxundu.